باقة 3 جلسات فردية

مدة الجلسة

60 دقيقة

عدد الجلسات

3 جلسة

مكان الحضور

Google Meet

الوصف

باقة 3 جلسات فردية |1:1 Coaching Sessions

3 جلسات فردية مخصصة للعمل على أي موضوع يتعلق بعلاقتك بنفسك، أو علاقاتك العاطفية أو الزوجية، في مساحة آمنة تساعدك على فهم نفسك بشكل أعمق، والوصول إلى وضوح أكبر، والعمل على خطوات عملية نحو التغيير.

تفاصيل الجلسات وشروط الحجز:

مدة الجلسة: 60 دقيقة.Online
عدد الجلسات: ٣ جلسات
المواعيد: تظهر المواعيد المتاحة تلقائيًا وفقًا للتوقيت المحلي لبلدك.
تأكيد الحجز: بعد إتمام عملية الدفع، سيصلكِ بريد إلكتروني يحتوي على رابط مباشر لاختيار مواعيد جلساتك.
المواعيد الخميس والجمعة والسبت والأحد من كل أسبوع
الفاصل بين الجلسات: أسبوع واحد على الأقل.
تعديل المواعيد: بمجرد تأكيد موعد الجلسة، لا يمكن تغييره أو إعادة جدولته.
صلاحية الباقة: 60 يومًا من تاريخ الدفع، ويجب استخدام الجلسات الثلاث خلال هذه المدة.

افهمي نفسك أكتر، وخدي خطوات تقرّبك من اللي إنتِ عايزاه

بتحاولي تثقي في نفسك، تاخدي قرار، أو تتجاوزي تجربة وجعتك… لكن مش عارفة تبدأي منين؟

الجلسات الفردية مساحة نتكلم فيها عن اللي شاغلك، ونفهم إيه اللي بيعطّلك، ونحدّد خطوات تقدري تطبّقيها في حياتك.

ممكن نشتغل على ثقتك بنفسك، اختياراتك، أهدافك، حدودك في العلاقات، اختيار شريك مناسب، أو التعافي بعد انتهاء علاقة.

إيه اللي ممكن تستفيديه من الجلسات؟

في كل جلسة، بنركّز على موضوع محدّد حسب احتياجك، علشان تقدري:

تفهمي نفسك أكتر: تعرفي إيه اللي مضايقك، وإيه اللي محتاجاه فعلًا.
تفهمي سبب تكرار بعض التصرفات: زي التنازل عن احتياجاتك، تأجيل القرارات، أو الرجوع لاختيارات بتتعبك.
تتعاملي مع نفسك بشكل أرحم: تقلّلي لوم نفسك، وتتعلمي تتعاملي مع الغلط من غير ما تشكّي في قيمتك.
توضّحي اختياراتك: تفرّقي بين اللي إنتِ عايزاه، واللي بتعمليه علشان ترضي غيرك أو تتجنّبي الرفض.
تتحرّكي ناحية هدفك: تحدّدي خطوة واقعية تجرّبيها بعد الجلسة.

مش لازم كل ده يحصل في جلسة واحدة. بنشتغل حسب أولوياتك، والتغيير بيحتاج وقت وتجربة وممارسة.

الجلسات دي مناسبة ليكي لو…

بتشكّي في نفسك وبتراجعي قراراتك كتير.
عندك أهداف، لكن الخوف من الغلط بيعطّلك عن تحقيقها.
بتقارني نفسك بغيرك، وبتحسّي إنك مهما عملتي مش كفاية.
بتلاقي صعوبة تقولي «لأ» أو تعبّري عن احتياجاتك من غير إحساس بالذنب.
محتارة في اختيار شريك، أو مش عارفة إذا كانت العلاقة مناسبة ليكي.
بتكرّري اختيارات في العلاقات وبتلاقي نفسك بتتوجعي بنفس الطريقة.
بتحاولي تتعافي من تجربة انتهت، لكن لسه منشغلة بالذكريات والأسئلة.
بتفهمي حاجات كتير عن نفسك، لكن مش عارفة تطبّقي اللي فهمتيه.

الجلسات مش مناسبة ليكي لو…

عايزة حد ياخد القرارات مكانك.
بتدوّري على طريقة تغيّري بيها شخص تاني، ومش مستعدة تراجعي اختياراتك وتصرفاتك.
متوقعة إن جلسة واحدة تحل كل حاجة، من غير أي تطبيق بعدها.
محتاجة تشخيص نفسي، علاج لاضطراب نفسي، أو أدوية؛ الخدمات دي بيقدّمها الطبيب النفسي فقط، ومش ضمن جلسات الكوتشنج.