One Session

مدة الجلسة

60 دقيقة

مكان الحضور

Google Meet

اختر تاريخ لعرض المواعيد المتاحة

افهم نفسك أكتر، وخد خطوات تقرّبك من اللي إنت عايزه

بتحاول تثق في نفسك، تاخد قرار، أو تتجاوز تجربة وجعتك… لكن مش عارف تبدأ منين؟

الجلسات الفردية مساحة نتكلم فيها عن اللي شاغلك، ونفهم إيه اللي بيعطّلك، ونحدّد خطوات تقدر تطبّقها في حياتك.

ممكن نشتغل على ثقتك بنفسك، اختياراتك، أهدافك، حدودك في العلاقات، اختيار شريك مناسب، أو التعافي بعد انتهاء علاقة.

مدة الجلسة: ٦٠ دقيقةفردية وأونلاين عبر Google Meet

من اي مكان في العالم

في كل جلسة، بنركّز على موضوع محدّد حسب احتياجك، علشان تقدر:

تفهم نفسك أكتر: تعرف إيه اللي مضايقك، وإيه اللي محتاجه فعلًا.
تفهم سبب تكرار بعض التصرفات: زي التنازل عن احتياجاتك، تأجيل القرارات، أو الرجوع لاختيارات بتتعبك.
تتعامل مع نفسك بشكل أرحم: تقلّل لوم نفسك، وتتعلم تتعامل مع الغلط من غير ما تشك في قيمتك.
توضّح اختياراتك: تفرّق بين اللي إنت عايزه، واللي بتعمله علشان ترضي غيرك أو تتجنب الرفض.
تتحرك ناحية هدفك: تحدّد خطوة واقعية تجرّبها بعد الجلسة.

مش لازم كل ده يحصل في جلسة واحدة. بنشتغل حسب أولوياتك، والتغيير بيحتاج وقت وتجربة وممارسة.

عايز حد ياخد القرارات مكانك.
بتدور على طريقة تغيّر بيها شخص تاني، ومش مستعد تراجع اختياراتك وتصرفاتك.
متوقع إن جلسة واحدة تحل كل حاجة، من غير أي تطبيق بعدها.
محتاج تشخيص نفسي، علاج لاضطراب نفسي، أو أدوية؛ الخدمات دي بيقدّمها الطبيب النفسي فقط، ومش ضمن جلسات الكوتشنج.